अंधार फार झाला..

 थोडा उजेड ठेवा अंधार फार झाला

पणती जपून ठेवा  अंधार फार झाला


आले चहु दिशांनी तुफान विस्मृतीचे

नाती जपून ठेवा अंधार फार झाला


काळ्या ढगात वीज आहे पुन्हा टपून

घरटी जपून ठेवा अंधार फार झाला


हे गोठतील श्वास शिशिरातल्या हिमात

ह्रदये जपून ठेवा अंधार फार झाला


वणव्यात वास्तवाच्या होईल राख त्यांची

स्वप्ने जपून ठेवा अंधार फार झाला


हे  वाटतील परके आपुलेच श्वास आता

हातात हात ठेवा अंधार फार झाला


शोधात कस्तुरीच्या आहेत पारधी हे

हरणे जपून ठेवा अंधार फार झाला ..


-


anita

Comments

Post a Comment

Popular posts from this blog

RainbowMaker...

Image
 I Paint My Own Rainbow..... ब्लॉग लिहिणं ही सवय व्हायला हवी खरं म्हणजे- जसं आंघोळ करतो रोज, (अं.... नाही चुकीचं उदाहरण- नाही म्हणजे आता रोज करतोच. पण given a choice.... hahahahaha! असो..) जसं जेवतो.. (हां ! ही सवय नाही आवड सुद्धा आहे..bingo!!)  अगदी रोज नाही पण आठवड्यातून किमान एक ब्लॉग... पण लेखकाचं मन फार विचित्र असतं. लेखक दुस-याच्या दु:खाने दु:खी होतो- लेखक समाजसेवक नसतो, (अपवाद) त्यामुळे तो उठून मदत वगैरे करायला जाईलच याची शाश्वती नसते- (पुन्हा, सन्माननीय अपवाद आहेतच) पण रायटर जळत राहतो आतल्या आत- जळती सिगरेट अर्धवट चुरडून टाकावी तसं  ब-या चाललेल्या दिवसातून अचानक बाजूला पडतो, विझून जातो- वरवर हसत राहतो पण आत उसवत राहतो... गेल्या वर्षी मस्त चाललेला माझा असाच एक ब्लॉग सुशांत सिंग राजपूतच्या जाण्याने बंद पडला.. किती दिवस खड्डा पडला होता पोटात. तो अभिनेता होता, हिरो होता क्युट होता म्हणून नाही.. लोक म्हणतील लाख, त्याच्यासाठी का आसवं गाळायची ? मुद्दा तो खरा कोण होता हा नव्हताच- एखाद्याच्या मृत्यूचा जो बाजार मांडला जातो तो बघून सुन्न झाले होते. `मिडीया, इंडस्ट्री, मित्र, शत्रू , fans
Read more

शब्द शब्द जपून ठेव... बकुळीच्या फुलापरी...

Image
  शब्द शब्द जपून ठेव...बकुळीच्या फुलापरी... पाडगावकरांच्या काही खास ठेवणीतल्या गाण्यातलं हे एक गाणं.... या गाण्याला बकुळीचा गंध आहे... मला स्वतःला बकुळ या फुलाबद्धल अनाम विचित्र भावना आहेत- मला त्याचा गंध आवडतो असंही नाही आणि आवडत नाही असंही नाही... त्यात मोग-याचा मादक दरवळ नाही , जाई जुईचा हसरा गंध नाही , सायलीची शांत सुगंधी झुळूक नाही.. चाफ्याचा टवटवीतपणा नाही , इतकंच काय गुलाबाचा दिखावूपणा पण नाही... पण त्यात काहीतरी विलक्षण आहे- जी ए कुलकर्णींच्या कथांसारखं , आरती प्रभूंच्या कवितांसारखं.... काहीतरी अनवट.... जाउदे... शब्दांबद्धल बोलायचं तर बकुळीविषयीच बोलत बसले... शब्द शब्द जपून ठेव हे त्यांनी वेगळ्या अर्थाने म्हटलं असलं तरी आपण लिहिलेले शब्द जपून ठेवावेत असं मला कधीच वाटलं नाही- ते जपून ठेवले तर त्यांनाही बकुळफुलांसारखा वास येईल असं काहीतरी वेडपट असावं माझ्या डोक्यात... म्हणजे गाण्यांबद्धल बोलतेय मी हे सगळं... मला आधीच गाणी लिहून ठेवणं जमत नाही... कविता म्हणाल तर ती मी लिहायला बसले म्हणून येतच नाही- ती प्रचंड मानी आहे... उंबरठा मधल्या स्मिता पाटील सारखी... (हे नुसतं म्हणतानाही
Read more

lockdown... लॉकडाऊन

Image
 पुन्हा एकदा बंद होणारे सगळं...  थकायला झालंय आता- काम न करताच मेंदू थकतो हे गेल्या वर्षी याच महिन्यांनी दाखवून दिलं होतं..  आता पुन्हा तेच-  अत्यावश्यक सेवा सुरु असतील.. बाकी रिक्षा वाल्यांना अमुक इतके पैसे- रस्त्यावरच्या फेरी वाल्यांना तमुक एक परवानगी-भाजीपाला दुध सुरु राहील. आणि हॉटेल मधून पार्सल व्यवस्था सुरु राहील.. यापेक्षा काही वेगळं नाहीये नियमावली मध्ये- म्हणजे पुन्हा आरशा समोर उभं राहून थोबाडीत मारून घेत स्वत:ला विचारायचं की का आलो आपण entertainment industry मध्ये? का लेखक अभिनेते निर्माते संगीतकार गायक कोरिओग्राफर  झालो? का दिग्दर्शक spot boy, lightman, setting dada, मेकपमन, शेड्युलर झालो...?? चित्रपटसृष्टी आणि मालिकांचं जग कधीच अत्यावश्यक सेवेत येत नाही- मान्य आहे. आमची काय किंमत आहे हे सगळ्या राजकीय पक्षांनी आणि जनतेने दाखवून दिलं सोशल मिडिया वरच्या कमेंट्स मधून- म्हणे शेतकरी मरतोय आणि यांना सिरियल्स ची पडली आहे. शेतकरी मरतोय त्याचं प्रचंड दु:ख आहेच पण ज्यांच्या मरण्याची दखल घेतली जात नाही असे चित्रपट मालिकांच्या क्षेत्रातले मिडलक्लास लोक दिसत राहतात समोर त्यांचं काय?  दुस
Read more